تقاريرمرأة ومنوعات

حكايات الفراق والرجوع بين الأحبة على جروبات البنات:«  انفصلنا ورجعنا»

حكايات الفراق والرجوع بين الأحبة على جروبات البنات:«  انفصلنا ورجعنا»

تحولت جروبات الستات والبنات على موقع التواصل الاجتماعي« فيس بوك»، إلى حكايات الفتيات العاطفية منها، فضلاً عن التساؤلات وطلب النصائح للتعامل مع الشريك.

وجاء السؤال من « أماني .ا» قائلة،« فى حد هنا انفصل عن حبيبُه وبعد سنين رجعوا واتجوزا ولا افقد الامل فى الامر ؟!»، لتتلقى أكثر من ألف إجابة خلال ساعات، من بينهن إجابة« شروق.س» حيث قالت،«اه عادي واتجوزنا ومعانا يونس وحياتنا ماشية الحمدلله وبنقعد نفتكر حكايات الآلم اللي مرينا بيها وبنضحك على الذكريات المؤلمة».

بينما علقت« ندى .ح» قائلة،« اه فيه اهو انا قدامك حب 7سنين وانفصلنا ورجعنا تاني وهانتجوز بس دعواتكم بالله عليكم ربنا يجمعنا وييسر الحال، الفراق صعب لكن الأحلى منه انك ما تتخليش ومتفقديش الأمل، فاهمة يعني أيه ننفصل بعد حب 7 سنين ونرجع تاني بعد مشاكل كتير؟، يعني لازم تصبري طالما فيه حب».

كما علقت« أية .ا»، قائلة،« انفصلنا ٨ شهور ورجعنا اتخطبنا.، وعرف بنات الدنيا كلها ف الفتره دي»، وعلقت « أسماء.ن»،« اتقدملى مرتين بس وقتها كان هو اللي بيحبنى وعاوزانى وانا كنت عادى وحصل رفض وراح خطب وسابها وانا كان بيجيلى ناس وكان ممكن يحصل موافقه وبعد سنتين اتقدم تانى، واتقبل وادينى اهو مطلعه عينه ومنكده علي اللي جابوه وبقولى أنا اللي جبته لنفسى».

بينما كان لـ« ميادة.د»، رأي ىخر حيث قالت،« جالي بعد اربع سنوات يقولي اجوزك، وانا رفضته»، وعلقت « جاسمين.ا»، قائلة،« حطى بدمغك حاجه لو كان يستاهلك او الشخص الصح المناسب ليكى وفي الخير مكنتوش بعدتو ونزلتى بوست تسئلى فى امل نرجع تانى ولا لا بصي قدامك متوقفيش حياتك».

وعلقت « شيرين.خ»، قائلة،« انا انفصلت عن خطيبى سنه واتخطبت تانى و مكملتش ورجعت انا وخطيبى واتجوزنا اوهو، متفقديش الامل هى بتكون دروس ولازم تستفادى منها ومراحل وبنعديها وفعلا لو فيكوا خير لبعض هترجعوا لو بعد ايه، ربك قادر على كل شى، ربنا يجمعكوا على خير ويعوضك ويجبر بخاطرك يارب».

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى